Lajme
Ndahet nga jeta At Antonio Belushi, “ati shpirtëror i arbëreshëve”
I lindur në vitin 1934 Antonio Belushi (Bellusci), i arsimuar për klerik, gjithë jetën ja ka kushtuar qenies arbëreshe, mbijetesës së "gjakut të shprishur"
Është ndarë sot nga jeta At Antonio Bellusci (Belushi) arbëreshi i cili me jetën dhe veprën e tij është identifikuar më së shumti me qenien e arbëreshëve të Italisë në gjysmë shekullin e kaluar.
I lindur në vitin 1934 në Frasnitë të Kalabrisë, Antonio Bellusci, i cili është arsimuar për klerik, gjithë jetën e tij ja ka kushtuar qenies arbëreshe, mbijetesës së “gjakut të shprishur”. Veprimtaria e tij është shtrirë shumë përtej asaj të një kleriku dhe kap majat që ka njohur bota arbëreshe në kohën tonë.
I quajtur edhe si “Ati shpirtëror i arbëreshëve të Italisë”, At Antonio Bellusci është më meritori për ruajtjen dhe kultivimin e vlerave të komunitetit që prezantonte, shkruan albinfo.ch. Më shumë se kaq, ai ka dhënë dëshmi të panumërta për mbrojtjen e kauzës shqiptare, sidomos asaj të Kosovës, si klerik dhe veprimtar shkencor e humanitar, gjithandej nëpër botë. Po ashtu Bellusci njihet si mbështetës i arvanitasve të Greqisë, të cilët i ka njohur dhe studiuar mbase si askush tjetër.
At Antonio ishte adresa e pashmangshme dhe mikpritëse e pothuaj të gjithë shqiptarëve nga “përtej detit” që vizitonin arbëreshët, duke mbetur gjithnjë në dispozicion të tyre me njohuritë dhe kompetencën e lartë që kishte për botën arbëreshe. Po ashtu biblioteka e tij personale është model për ruajtjen e librave dhe revistave nga e gjithë bota shqiptare.
“Ai ishte themelues i Revistës “Vatra jonë” (Il nostro focolare) 1966, në San Costantino Albanese, i Revistës “Lidhja” (L’unione) në 1980 në Cosenza; hulumtues i riteve e zakoneve të arbëreshëve, etnograf e publicist. Prift i devotshëm i Eparkisë së Lungros. Ai ka një nga bibliotekat dhe arkiv personal ndër më të pasurit e të vyerit ndër arbëreshë. Në shtëpinë e tij ka themeluar Qendrën e Studimeve dhe Bibliotekën “Bellusci”, shkruan studiuesja e trashëgimisë arbëreshe dhe njohësja e mirë e tij, Diana Jup Kastrati.
Shembulli prej rilindasi të vërtetë, në kushte të reja, të cilin Belushi e mishëronte në mënyrë ideale, mbetet unik dhe i papërsëritshëm.
E-Diaspora
-
Ndërron jetë aksidentalisht mërgimtari 29 vjeç në Gjermani Raportohet se i riu shqiptar me inicialet F.T. nga fshati Plluzhinë e Skenderajt, ka ndërruar jetë...
-
Mira Murati: AI do t’i zhdukë disa punë, por shumë të tjera do të lindin
-
Lajm i mirë për mërgimtarët në Gjermani, hyn në fuqi një ligj i rëndësishëm
-
Finlandë: Sopranoja Qerkezi, me rol në operën e Verdit
-
Gjenevë: Ekspozitë nga artistja shqiptare R.C.Anaider
Jeta në Zvicër
-
Ushtrisë zvicerane i mungojnë vullnetarët për manovra jashtë vendit Shumë pak ushtarë janë vullnetarë për një shërbim ushtarak stërvitor jashtë vendit. Çështja për ta bërë...
-
Pse zviceranët po japin më pak bakshish (dhe sa duhet të lini në të vërtetë?)
-
Probleme me IT në Aeroportin e Cyrihut: Ngritjet u ndaluan, uljet pjesërisht të anuluara
-
Kompanitë zvicerane, ndër paguesit më të përpiktë në Evropë
-
Të ardhurat nga turizmi në Zvicër arritën nivele rekord në vitin 2023