Kosova
Letër ngushëllimi për vdekjen e Ismail Kadare nga Presidentja e Kosovës
![](https://www.albinfo.ch/wp-content/uploads/2024/07/img_1215-587x391.jpeg)
Presidentja e Kosovës, Vjosa Osmani ka nderuar veprën e shkrimtarit të madh shqiptar, Ismail Kadare, pas vdekjes së tij.
Ajo në një letër ngushëllimi ka nderuar edhe rolin dhe kontributin e tij për shqiptarët.
“Në historinë njerëzore, shkrimtarët shpesh i kanë dhënë kahun kombeve në çastet më të vështira të historisë, duke artikuluar idenë e lirisë. Ismail Kadare ishte gjeniu shqiptar, njeriu e shkrimtari i cili tërë jetën dhe veprën e vet ia kushtoi dashurisë ndaj tokës, gjakut e vendit të shqiptarëve, duke krijuar një trashëgimi të pakundshoqe adhurimi e lavdie ndaj vendit e kombit të vet. Me këtë dashuri, të cilën ai e ka shprehur gjithandej veprave të tij, ai i ka paraqitur vlerat e popullit të tij nëpër botë, duke e lartuar gjithandej gjuhën, kulturën e letërsinë shqipe dhe vetë popullin shqiptar, ndërsa të drejtën e popullit shqiptar të Kosovës për të jetuar i lirë e i mosvarmë e mbrojti gjithandej botës, në qarqe intelektuale e kulturore, në ambiente politike e në letërkëmbimin e tij me personalitete të shquara botërore”, ka shkruar presidentja Osmani.
Tutje ajo shton se i gjithë populli shqiptar është në zi.
“Populli i Kosovës, sikur i gjithë populli shqiptar, sot është në zi. Ai humbi kolosin e dijetarin më të njohur shqiptar, humbi mbështetësin e pandalshëm të së drejtës së popullit shqiptar në Kosovë për të jetuar i lirë e i mosvarmë e promovuesin e pandalshëm të kësaj të drejte gjithandej botës. Humbi shkrimtarin e papërsëritshëm, të cilit si Presidente kisha nderin t’ia dorëzoja shtetësinë e Kosovës kohë më parë, sikurse edhe Urdhrin “Hasan Prishtina”. Për dhjetëvjetësha të tërë, ai e kultivoi artistikisht e intelektualisht ndjenjën e lirisë, duke na bërë edhe ne, shqiptarëve të Kosovës, ta kuptonim më mirë përmasën e lirisë e ta gjakonim atë përjetësisht”, shtoi ajo tutje.
Ismail Kadare vdiq këtë të hënë në moshën 88 vjeçare.
Të tjera nga Kosova
E-Diaspora
-
Kurti në Izmir pritet nga kryetarja me prejardhje shqiptare Kryeministri i Kosovës, Albin Kurti është mirëpritur të enjten nga Kryetarja e Komunës së Foçës në...
-
Elbenita Kajtazi, paraqitet në Operën e Cyrihut me shfaqjen “Turandot”
-
E reja shqiptare që solli shoqet zvicerane në Kosovë, befasohen nga mikpritja
-
Mërgimtarët me nënshtetësi gjermane ja si mund ta rifitojnë shtetësinë e Kosovës
-
Krejt në mërgim, fshat i bukur, por i boshatisur, në Vushtrri
Jeta në Zvicër
-
Cyrihu miraton kredinë prej 20 milionë frangash për organizimin e “Eurovision 2025” Qyteti i Cyrihut dëshiron të sjellë në këtë vend Festivalin e Këngës “Eurovision 2025”. Këshilli vendor...
-
Nëse Zvicra fiton të shtunën, lokalet do të qëndrojnë të hapura më gjatë
-
Rreziku i motit të keq, më shumë se gjysma e ndërtesave në Zvicër janë në rrezik
-
Ambasadori gjerman: Njohje – nëse Kosova dhe Serbia duan t’i bashkohen BE-së
-
“Nuk mund të bëj miq”: Pse Zvicra është më pak e popullarizuar me banorët e huaj?