Kosova
Kurti i kërkon Scholzit përkrahje për anëtarësim në KiE
Mesi i muajt maj është vendimtar nëse Kosova do të futet në agjendë në seancën e Komitetit të Ministrave për anëtarësim në Këshillin e Evropës, përcjell albinfo.ch.
Gjermania, Franca dhe SHBA-ja i kanë kërkuar Qeverisë të bëjë hapa urgjentë për dërgimin e draft-statutit të Asociacionit të komunave me shumicë serbe në Gjykatën Kushtetuese. Kryeministri Albin Kurti, gjatë një bisede telefonike me kancelarin 2gjerman, Olaf Scholz, e ka siguruar atë se Qeveria do t’i zbatojë të gjitha obligimet që dalin nga marrëveshja bazë, ku bën pjesë edhe Asociacioni. Por, nuk ka treguar se kur pritet që Qeveria ta dërgojë draftin në Kushtetuese.
“Në një telefonatë me kancelarin gjerman Scholz i shpreha mirënjohjen për mbështetjen e palëkundur të Gjermanisë për Kosovën dhe nënvizova shpresën se Gjermania do ta mbështesë kandidaturën tonë për anëtarësim në KiE në përputhje me rekomandimet e Asambleja Parlamentare e Këshillit të Evropës. Po ashtu rikonfirmova angazhimin tonë për zbatimin e plotë të Marrëveshjes Bazë”, tha Kurti.
Shefi i grupit parlamentar të AAK-së, Besnik Tahiri, i cili njëherësh është pjesë e delegacionit parlamentar për anëtarësimin e Kosovës në Këshillin e Evropës, tha se Qeveria duhet të ketë kujdes, pasi sipas tij, Asociacioni nuk është kusht për anëtarësim në Këshill.
‘’Raporti e saktëson se Kosova i ka përmbushur kushtet. Kosova e meriton me pas kërkesën për të qenë anëtare e Këshillit. Asociacioni nuk është në raport. Qeveria të ketë kujdes”, tha Tahiri.
Mediat gjermane kanë raportuar se në Berlin është dhënë ideja që draft-statuti i Asociacionit i hartuar nga evropianët, të interpretohet nga juristët kushtetues të Këshillit të Evropës. Përfaqësuesit e partisë në pushtet nuk kanë një informacion të tillë. Deputeti i VV-së, Armend Muja, tha se Asociacioni nuk është kusht dhe nuk mund të zbatohet përpara pikave të tjera të marrëveshjes bazë me Serbinë.
‘’Ka pasur jurist eminent që kanë listuar në raport parakushtet esenciale kushtetuese, dhe asnjëra nga to nuk është domosdoshmërisht themelimi i Asociacionit”, tha Muja.
Serbia ka vazhduar fushatën kundër Kosovës për anëtarësim në Këshillin e Evropës. Ministri i Jashtëm serb, Ivica Daçiq, tha se Franca dhe Italia kanë shprehur rezerva, ndërkaq Hungaria është kundër anëtarësimit të Kosovës.
Seanca është paraparë të mbahet më 16 dhe 17 maj.
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë