Autotech
Ferrari prezanton dy modelet e reja
Ferrari ka në plan të prodhojë në total 15 modele të reja mes vitit 2023 – 2026, duke përfshirë edhe makinën e parë elektrike
Prodhuesi i makinave sportive luksoze Ferrari prezantoi dy modele të reja, 12Cilindri dhe 12Cilindri Spider, që u drejtohen adhuruesve të motorëve të tij më të fuqishëm me benzinë.
Dy makinat, e prezantuara me rastin e një eventi në Majami, të enjten në mbrëmje, shënojnë debutimin e parë të Ferrari këtë vit, pas pesë të tillave në vitin 2023, raporton Reuters.
Ndërkohë, shtëpia automobilistike me seli në Maranello vijon me hap të shpejtë prezantimin e modeleve të reja për të mbajtur vëmendjen e klientëve të saj të pasur.
Si pjesë e një lëvizjeje më të gjerë të elektrifikimit në industri, shtëpia automobilistike i ka shtuar makina elektrike – hibride gamës së saj që nga viti 2019 dhe ka premtuar automjetin e saj tërësisht elektrik (EV) në fund të vitit 2025, shkruan Monitor, transmeton albinfo.ch.
Megjithatë, Ferrari është zotuar gjithashtu të vazhdojë shitjen e makinave tradicionale me motor me djegie të brendshme (ICE), falë vendimit të Bashkimit Evropian për të përjashtuar automjetet që punojnë me e-karburantet nga ndalimi i parashikuar i makinave ICE.
Modeli i ri 12Cilindri dyvendësh dhe versioni 12Cilindri Spider frymëzohen nga modelet historike grand-tourer (GT) të Ferrari të viteve 1950 dhe 1960 – deklaroi kompania.
Ato janë të pajisur me motorin karakteristik me 12 cilindra me benzinë të markës, me të cilin është i pajisur edhe modeli Purosangue, me katër dyer dhe katër vende.
Motori V12 ndodhet në mes të pjesës së përparme (830 kuaj fuqi) dhe do t’u sigurojë dy modeleve shpejtësi maksimale më shumë se 340 kilometra në orë.
Në Itali, 12Cilindri dhe 12Cilindri Spider kushtojnë përkatësisht 395.000 euro dhe 435.000 euro, në fashën e mesme dhe të lartë të gamës së çmimeve të Ferrari.
Dërgesat e parë në Evropë për 12Cilindri parashikohen në tremujorin e fundit të këtij viti, kurse për 12Cilindri Spider, në tremujorin e parë të 2025.
Ferrari ka në plan të prodhojë në total 15 modele të reja mes vitit 2023 – 2026, duke përfshirë edhe makinën e parë elektrike.
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim