Lajme
Cili rajon i Zvicrës ka taksat më të larta turistike?
Edhe në pushime nuk do të mund t'u shpëtoni taksave.
![](https://www.albinfo.ch/wp-content/uploads/2022/07/119288795_highres.jpg)
Nëse jeni duke pushuar në Zvicër, kini parasysh se taksat turistike ndryshojnë shumë në varësi të destinacionit tuaj, përcjell albinfo.ch.
Edhe në pushime nuk do të mund t’u shpëtoni taksave.
Ndonëse mund të mos jeni të lumtur që ju duhet të paguani taksat turistike – tarifat e vendosura për mysafirët nga hotelet dhe ofruesit e tjerë të akomodimit – mund të ndiheni më mirë duke ditur se ato përdoren për një qëllim të mirë, domethënë për të financuar infrastrukturën dhe objektet në komunitet.
Pagesa e taksës turistike mund t’ju japë gjithashtu të drejtën për përfitime të caktuara – domethënë, të drejtën për të përdorur disa objekte lokale falas ose me një çmim të reduktuar, si transporti publik dhe vizita e vendeve kulturore.
Si vendosen këto taksa?
Ato shtohen automatikisht në faturën e dhomës dhe duhet të paguhen në fund të qëndrimit.
Këtë taksë duhet ta paguajnë të gjithë turistët, pavarësisht nëse janë zviceranë apo të huaj.
Në mënyrë tipike, kur rezervoni një hotel ose një lloj tjetër akomodimi, si airbnb, për shembull, shuma e taksës që do të tarifohet tregohet në faqen e internetit të rezervimit. Nëse nuk është, pyesni operatorin se sa është kjo tarifë.
Në varësi të vendit ku shkoni dhe sa kohë qëndroni në destinacionin tuaj, këto tarifa mund të shtohen dhe të zënë mjaft nga buxheti i pushimeve tuaja.
Megjithatë, disa komunitete nuk paguajnë asgjë fare.
Sa saktësisht do të duhet të paguani?
Shuma do të varet nga vendi ku do të qëndroni në Zvicër.
Çdo vit, platforma e konsumatorit Comparis publikon taksat turistike në 80 komuna zvicerane.
Lista e këtij viti, e publikuar më 9 korrik, tregon se Saas-Fee (VS) dhe Montreux (VD) ngarkojnë taksat më të larta turistike në vend – 7 franga për natë dhe për person.
Është interesante se Cyrihu dhe Gjeneva, qytetet më të shtrenjta të Zvicrës, paguajnë një taksë turistike relativisht të ulët: përkatësisht 3,50 dhe 3,75 franga.
Anasjelltas, disa komuna në Graubünden dhe Zvicrën qendrore, si Sils (GR) dhe Engelberg (OW) nuk paguajnë asgjë fare.
“Kur bëhet fjalë për taksat turistike, Zvicra mbetet një lara-lara” e tarifave të ndryshme, sipas Adi Kolecic, ekspert i udhëtimeve të Comparis.
Masa e taksës turistike nuk varet vetëm nga vendndodhja, por edhe nga akomodimi ku qëndroni. Shpesh, për shembull, taksa është më e lartë në një hotel me katër yje sesa në një apartament pushimi.
“Dallimet midis taksave turistike nuk janë të habitshme vetëm në shkallë zvicerane: brenda të njëjtit kanton, apo edhe të njëjtës komunë, turistët paguajnë shuma të ndryshme”, vuri në dukje Kolecic.
Kjo lidhje tregon shumën e taksave turistike në 80 komuna zvicerane.
E-Diaspora
-
Verë magjike në Gjilan: Mikpritje për diasporën, me kulturë dhe art Këtë verë, Gjilani, si një nga qytetet me diasporën më të madhe, po përgatitet për një...
-
Mërgimtarët vazhdojnë të presin nëpër pika kufitare për të hyrë në Kosovë
-
“The doors of life – Albania” pritet nga SHH “Nënë Tereza”, në Zvicër
-
Një orë pritje te Dheu i Bardhë për të hyrë në Kosovë
-
Gërxhaliu: Diaspora ka peshë të madhe, fatkeqësisht Kosova s’di ta ruajë
Jeta në Zvicër
-
Si do ta festojë Zvicra Ditën Kombëtare këtë vit? Dita Kombëtare e Zvicrës është një rast që të gjithë banorët e Zvicrës – përfshirë të...
-
Fluturimet në Zvicër vonohen për shkak të prishjeve dhe motit të keq
-
A mund të var rrobat për t’u tharë në ballkonin tim në Zvicër?
-
Zvicra sot, përmbledhje e lajmeve më të fundit të së hënës
-
Si mund të lehtësojë Zvicra mungesën e përkeqësuar të punëtorëve?