Kosova
BE-ja për Banjskën: Nga Kosova nuk kemi marrë raportin e hetimeve për sulmin
Sulmi në Banjskë, Stano: Nga Kosova nuk kemi marrë një raport të hetimeve
BE-ja edhe një herë e ka arsyetuar mosndërmarrjen e masave ndaj Serbisë për sulmin në Banjskë me 24 shtator, me faktin se nga autoritetet kosovare ende nuk kanë marrë një raport për rezultatin e hetimeve të atyre sulmeve, përcjell albinfo.ch.
Këtë e ka thënë Peter Stano, zëdhënës i BE-së për Politikë të Jashtme dhe Siguri duke u përgjigjur në pyetjet se pse ka masa ndaj Kosovës nga ana e BE-së, e jo edhe ndaj Serbisë, madje as pas sulmeve në Banjskë.
Stano ka thënë se BE-ja është në pritje të rezultateve të hetimeve për këtë incident, për të parë se çfarë qëndrimi të marrë. Dhe raportin për hetime, sipas tij, duhet ta bëjnë autoritetet relevante të Kosovës pasi ngjarja ka ndodhur në territorin e Kosovës.
“Menjëherë pas sulmit, në ditët, javët dhe muajt që pasuan, ne e bëmë të qartë qëndrimin tonë se çka presim si nga Kosova ashtu edhe nga Serbia kur është fjala edhe për pjesëmarrjen dhe mbështetjen e mundshme për këtë sulm të tmerrshëm. Nuk po flas këtu për Serbinë si shtet, por për palën serbe. E gjithë kjo do të duhej të jetë pjesë e hetimit, gjetjet e së cilit shpresojmë se do të përfshihen në raportin përfundimtar të hetimit, i cili ende nuk ka përfunduar, ose të paktën nuk është ndarë me ne deri në këtë fazë”, ka thënë Stano.
Bashkimi Evropian ka përsëritur disa herë se nga Kosova s’ka marrë raport për hetimet e kryera. Një raport BE-së ia kishte dërguar Ministria e Punëve të Jashtme dhe e Diasporës, por ky nuk ishte konsideruar si raport i autoriteteve relevante profesionale, pasi vinte nga një trup politik.
BE-ja ka kërkuar disa herë që përgjegjësit e sulmit të 24 shtatorit ku u vra rreshteri Afrim Bunjaku të nxirren para drejtësisë, por një gjë e tillë s’ka ndodhur në Serbi, ku besohet se gjenden kryerësit e sulmit.
Ky institucion evropian, edhe mungesën e masave ndaj Serbisë e ka arsyetuar me lëshime të Kosovës që të përpilojë dhe të dorëzojë raportin hetimor të asaj që ka ndodhur në Banjskë të Zveçanit.
Përfaqësuesi i Lartë i BE-së për Politikë të Jashtme dhe Siguri, Josep Borrell, e kishte quajtur “terrorist” sulmin në Banjskë.
E-Diaspora
-
Florentina Mallaku Bytyqi kandidon për SVP-në dhe përballet me kritika kur është bërë e njohur kandidatura e saj ajo është ballafaquar edhe me komente negative si:...
-
Suedi: Aida Birinxhiku emërohet anëtare e Komisionit Parlamentar për Çështjet e BE-së
-
Në Kuvendin e Suedisë, deputeti Arbër Gashi ka iniciuar një mocion të rëndësishëm
-
I madhi Shaq, edhe ne të themi: faleminderit, danke, merci, grazie!
-
Shqiptarët dhe zgjedhjet në Austri
Jeta në Zvicër
-
Ndalimi i trajnimit të avionëve luftarakë zviceran F/A-18 vazhdon për arsye sigurie Forcat Ajrore Zvicerane vazhdojnë të pezullojnë operacionet stërvitore me flotën F/A-18, pas problemeve me furnizimin me...
-
Zvicra mirëpret nismën e paqes Kinë-Brazil për Ukrainën
-
Zvicra zgjeron opsionet e shërbimit “Air Rail” në vendpushimet alpine
-
Gjithçka që ndryshon në jetën në Zvicër në muajin tetor
-
Vetëm 22% e menaxherëve të lartë në Zvicër, janë gra