Vidhen lokomotivat-model, të rënda 800 kg!

Me këtë rast hajnat kanë thyer disa dyer, ndërsa për të bërë transportin, kanë përdorur një kamion me vinç

Në parkun miniatural “Swiss Vapeur” në Le Bouveret të Valisit janë vjedhur dy lokomotiva. Bëhet fjalë për lokomotiva të konstruktuara në përmasa të vogla, që shërbejnë si eksponate por që funksionojnë dhe peshojnë secila nga 800 kilogramë.

Sipas Policisë së kantonit të Valisit, për të bërë këtë vjedhje, hajnave u është dashur të kryejnë shumë punë. Ata kanë thyer disa dyer ndërsa për të bërë transportin, kanë përdorur një kamion me vinç.

Parku Miniatural është aktualisht në pushimet dimërore. Modelet e lokomotivave të vjedhura konsiderohen si vepra arti, dhe si të tilla, të kushtueshme, por megjithatë, sipas njohësve të kësaj fushe, është e vështirë që të gjenden blerës për to.