Lajme

SHBA, mbi 1.000 vdekje nga koronavirusi në ditë

Shtetet e Bashkuara të Amerikës janë vendi i parë që raportoi 1 mijë vdekje si pasojë e koronavirusit brenda 24 orëve të mërkurën, ndërsa numri i rasteve me përfundim fatal u rrit në 5.000.

E enjte, 2 Prill 2020 - 18:30 albinfo.ch

Keystone (AP Photo/Jens Meyer)

Me mbi 216.000 infeksione në gjithë vendin, Amerika tani është më e prekur nga COVID-19 sesa çdo vend tjetër në botë.

Virusi nuk tregon shenja të ngadalësimit, pavarësisht se i gjithë vendi është në karantinë dhe ekspertët paralajmërojnë se rreth 200.000 persona mund të vdesin deri në përfundim të pandemisë.

Ka frikë se epiqendra tjetër do të jetë qyteti Detroit, pasi numri i vdekjeve në Miçigan u dyfishua në vetëm tre ditë – një shenjë e rritjes eksponenciale, të cilën shkencëtarët e përdorin si një tregues të pikave.

Numri i vdekjeve në SHBA tani po tejkalon dukshëm numrin e vdekjeve të raportuara zyrtarisht në Kinë (3.309), ku shpërthimi filloi për herë të parë në dhjetor.

New Jersey është i dyti pas New York me 355 vdekje dhe 22.225 infeksione. New York vazhdon të durojë me 84.025 infeksione dhe 2.219 vdekje, shkruan KP, përcjell albinfo.ch.